Kunka taiwanilaiset opithaan taiwanin kieltä?

Kainun kielen faakina oon tehty maholiseksi, ja staatin, fylkinkomuunin ja kaikkiin kainulaisten satsaus oon yksi syy tähän ja nykyjään saatethaan lapset käyttäät ommaa perimäkieltä koulussa. Vaikka kvääni toisena tahi vierhaana kielenä oppiijoita oon vähäsen, monet fylkinkomunaaliset oorningit jo otethiin pithoon niin ko esimerksi kielipesä ja raavhauttenopetus, niin ette kaikki tavustasta perustamatta saatethaan anttaat itteesti riuttuut kielimiljhöön.

Maanpallon toisela puolela Taiwanissa meilä oon samanlainen satsaus siihen, ko opetelhaan vasta lapset ommaa kieltä koulussa. Nasjunaalisen kielen eistämislajin jälkhiin Taiwanin peruskoulun, keskikoulun ja jatkokoulun opinot täkäthään vuoesta 2022 asti kaikki minuriteettikielet (taiwanin kieli, hakka, alkupöräiskanssoin kielet, matsun kieli ja taiwanilainen kuuroinkieli myötälukkiin) pakolisessa opetusplaanassa. Peruskoulussa oon yksi oppitiima viikossa, keskikoulun ensimäisessä ja toisessa klassissa oon kans yksi oppitiima viikossa, mutta kolmanessa oon se valintavapaa. Jatkokoulussa oonki nämät kielet valintavapaa mutta kursi pittää kaksi opintopoengii sisälä. Ko puhuthaan taiwanin kielestä eli Taiwanin puhutuimmasta perimäkielestä, nyt tunnustethaan ette nuoret puhhuujat oon menheet alaskäsin, ja tämä laki oon kovin tärkkee siinä ette lapset saahaan maholisuuen oppiit kielen luonolisela tavala ja nuoresta ijästä. Vasta tänä vuotena Taiwanin ensimäisen taiwaninkielisen koulun perustethiin ko intressi kieltä kohthaan oon nousu.

Vuotheen 2022 asti liki 70 prosenttii taiwanilaisista ossaa ommaa kieltä, mutta passiivinen kielitaito häyttyy kääntäät aktiiviseksi eriliikaisesti lapsile.

Vuotena 2020 Taiwanin Koulutusdirektoraatti antoi ulvos taiwanin kielen kirjasarjan, missä oon peruskoulhuun meinattu 12 kirjaa eli kaksi kirjaa jokhaisele klassile joka vuosi.